ଭୁବନେଶ୍ୱର, ୨୦।୪: ଘର ନିର୍ମାଣ ହେଉ କିମ୍ୱା ପରିବାରରେ ସୁଖ, ସମୃଦ୍ଧି ବୃଦ୍ଧି ପାଇଁ ବାସ୍ତୁଶାସ୍ତ୍ରରେ ଏଥିପାଇଁ କିଛି ନିୟମ ରହିଛି । ଏହି ନିୟମକୁ ପାଳନ କଲେ ଶୁଭଫଳ ମିଳିଥାଏ । ଆସନ୍ତୁ ଜାଣିବା ଏ ବିଷୟରେ...
ଲିଭିଂ ରୁମ୍ରେ ଲଗାନ୍ତୁ: ଇଭିଲ୍ ଆଇକୁ ଘରର ଲିଭିଂ ରୁମ୍ରେ ରଖିଲେ ଏଥିରୁ ବିଶେଷ ଲାଭ ମିଳିଥାଏ । ଅତିଥିଙ୍କ ବସିବା ସ୍ଥାନର ବିପରୀତ ଦିଗରେ ଏହାକୁ ଲଗାଇବା ଶୁଭ । ଯଦି ଲିଭିଂ ରୁମ୍ର ପୂର୍ବ ଦିଗରେ ଅତିଥି ବସନ୍ତି, ଏହାକୁ ପଶ୍ଚିମ ଦିଗରେ ଲଗାଇବା ଉଚିତ୍ । ଝରକାରେ ଇଭିଲ୍ ଆଇ ଦର୍ପଣ ଲଗାଇପାରିବେ ।
ପଢ଼ା ଓ ଶୟନ କକ୍ଷରେ ଲଗାଇବା ଶୁଭ: ପିଲାମାନେ ପଢ଼ାରେ ଧ୍ୟାନ କେନ୍ଦ୍ରିତ କରୁନଥିଲେ, ଏହାକୁ ଘରର ଷ୍ଟଡିରୁମ୍ ବା ପଢ଼ାଘରେ ଲଗାଇବା ଶୁଭ । ଏହାଦ୍ୱାରା ପିଲାଙ୍କ ଉପରେ କୌଣସି ନକାରାତ୍ମକ ଶକ୍ତିର ପ୍ରଭାବ ପଡ଼ିନଥାଏ । ସେହିପରି ସ୍ୱାମୀ-ସ୍ତ୍ରୀଙ୍କ ସମ୍ପର୍କ ମଜବୁତ୍ ହେବା ପାଇଁ ଏହାକୁ ଶୋଇବା ଘରେ ଲଗାଇବା ଶୁଭ । ସମ୍ପର୍କ ମଜବୁତ୍ ହେଲେ ଦାମ୍ପତ୍ୟ ଜୀବନ ସୁଖମୟ ଏବଂ ଶାନ୍ତିପୂର୍ଣ୍ଣ ହୋଇଥାଏ ।
ଘର ବଗିଚା ପାଇଁ ଉତ୍ତମ: ଇଭିଲ୍ ଆଇକୁ ଗଛରେ ଝୁଲାଇବା ଦ୍ୱାରା ଭଲ ଶକ୍ତି ଆକର୍ଷିତ ହୁଅନ୍ତି । ତେବେ ଏହାକୁ ବଗିଚାର ଦକ୍ଷିଣ ଦିଗରେ ଲଗାନ୍ତୁ ନାହିଁ । ବଗିଚାର ମଝାମଝି ନଚେତ୍ ଉତ୍ତର ଦିଗରେ ଏହାକୁ ଲଗାନ୍ତୁ । ଏହାଦ୍ୱାରା ଇଭିଲ୍ ଆଇର ପୂର୍ଣ୍ଣ ଫଳ ଲାଭ ହୁଏ ।
